مدونة كونكر كويست : شرح مهمات الجوب سنتر مهمه رقم (9) Ghost city

بسم الله الرحمن الرحيم

مرحبا بكم فى مدونتى المتواضعه مدونه كونكر كويست

النهارده هنشرحلكم المهمه التاسعه من مهمات الجوب سنتر

مهمه ghost city او مدينه الاشباح

كالعاده هنروح الجوب سنتر عند ال ((TaskMasterChang))
فى مدينه التوين سيتى Twin City
ونطلب من المهمه

هيبعتك عند واحده برا المدينه اسمه AuntZhang
ودى صورتها

هتقولك ان ابنها تاه منها وهو ابن لطيف وجميل اسمه
MoMo وهو اخر مره كان عند واحد اسمه JerkWang
بيبيع صواريخ وشمع سحرى روح اساله
هتروح للحاج JerkWang بتاع الصورايخ والبومب
هتقوله مشوفتش MoMo هيقولك انا شوفته كان بيلعب لوحد واخر 3 اماكن ظهر فيهم هما دول وهيديلك شمروخ تروح تضربه ف ال 3 اماكن

هتروح ال 3 اماكن وفى كل مكان تروحه هتدوس على الشمروخ كليك يمين

المكان الاول

المكان الثانى
وركزوا فيه عشان هنرجعله تانى من غير اوتو يعنى لازم انت اللى تروح المكان

المكان الثالث

بعد ما هتضرب الشمروخ ف ال 3 اماكن هترجع ل JerkWang تانى هتكلمه هيقولك روح لواحد اسمه TaoistShine دا اللى عارف كل اسرار المدينه
هتروحله ودا شكله

هتقوله انك بتدور على MoMo
هيقولك انا خايف يكون ف مدينه الاشباح هيديبك حاجه زى الورقه ف الايتم اسمها Charm
هتاخدها وترجع للمكان اللى قولنا عليه فوق الكوبرى مكان رقم 2
وهتدوس عليها كليك يمين هيظهرلك نقطه صفرا على الارض وهينزل عليها تورنيدو زى بتاع الفاير
هتنط تدخل فيه

هتلاقى نفسك ف مكان شبه التوين سيتى بالظبط
هتمشى لحد ما توصب لنص المدينه عند ال 4 جواهر دول وهتدوس على اى واحده

هتخرجك برا عند TaoistShine تانى هتكلمه
هيديلك حاجه ف الايتم هتخليها معاك وترجع تدخل المكان تانى
بس المره دى هتلاقى المدينه مضلمه
هتضرب ف الوحوش اللى شبه البنات والفران اللى جوا